ربنا -سبحانه وتعالى- لما خلقنا اكيد مكنش الغرض اننا ناذي بعض، اكيد لما قسمنا مقسمناش لناس مؤذية وناس مأذية، ربنا قال: "وجعلناكم شعوبا وقبائل لتعارفوا" مش لتاذوا بعض.
الفطرة الطبيعية بتقول اننا نعيش في تراحم وود واحترام. ليه نلاقي صاحب بيخون صاحبه ويأذيه، ليه ابن يمد ايده على ابوه او يشتم امه، ليه اب وام بتعاملوا مع اولادهم كأنهم عقار ملكية خاصة رأيهم ملهوش قيمة وكأن عشان خلفته يبقا لازم يكون نسخة منك، ليه مش بنعرف قيمة بعض غير وقت الموت او المرض، ليه تستنى اما حد عزيز عليك يموت وبعدين تروح على قبره تقوله معلش، ليه تستنى لما ابوك يدخل العناية وبيلفظ انفاسه الاخيرة وتروح تقوله سامحني، ليه منعيشش بقلوب طيبة رحيمة تسامح وتغفر وتدي للي قدامها بدل العذر سبعين، ليه لما حد انت اذيته يجي يطلب منك حقه بلين ولطف متعتذرلوش وترد له مظلمته، ليه لما حد اذاك يجي يعتذرلك ويكون ندمان فعلا متسامحهوش.
الدنيا ابسط من انك تشيل من حد او تخلي حد يشيل منك الدنيا مجرد طريق بنعديه عشان نروح لدار الخلود بس افعالك في الطريق ومدى جدك واجتهادك فيه هي اللي بتحدد مصيرك، فانتبه واحذر .......
ليه ... ليه ... ليه ...
حسبي الله ونعم الوكيل
ردحذفربنا ينتقم من كل حد مؤذي مبيخافش على مشاعر اللى قدامه ايا كان ايه اسبابه